อกรณียกิจ ๔ กิจที่ภิกษุไม่ควรทำมี ๔ อย่าง
๑. อุปะสัมปันเนนะ ภิกขุนา เมถุโน ธัมโม นะ
ปะฏิเสวิตัพโพ อันตะมะโส ติรัจฉานะคะตายะปิ.
โย ภิกขุ เมถุนัง ธัมมัง ปะฏิเสวะติ,
อัสสะมะโณ โหติ อะสักยะปุตติโย.
เสยยะถาปิ นามะ ปุริโส สีสัจฉินโน อะภัพโพ
เตนะ สะรีระพันธะเนนะ ชีวิตุง.
เอวะเมวะ ภิกชุ เมถุนัง ธัมมัง ปะฏิเสวิตวา,
อัสสะมะโณ โหติ อะสักยะปุตติโย.
ตันเต (ถ้ามีหลายรูปให้เปลี่ยน ตันเต เป็น ตังโว)
ยาวะชีวัง อะกะระณียัง.
๒. อุปะสัมปันเนนะ ภิกขุนา อะทินนัง
เถยยังสังขาตัง นะ อาทาตัพพัง,
อันตะมะโส ติณะสะลากัง อุปาทายะ.
โย ปะนะ ภิกขุ ปาทัง วา ปาทาระหัง วา
อะติเรกะปาทัง วา อะทินนัง เถยยะสังขาตัง
อาทิยะติ,
อัสสะมะโณ โหติ อะสักยะปุตติโย.
เสยยะถาปิ นามะ ปัณฑุปะลาโส พันธะนา
ปะมุตโต อะภัพโพ หะริตัตตายะ.
เอวะเมวะ ภิกขุ ปาทัง วา ปาทาระหัง วา
อะติเรกะปาทัง วา อะทินนัง เถยยะสังขาตัง
อาทิยิตวา อัสสะมะโณ โหติ อะสักยะปุตติโย.
ตันเต (ถ้ามีหลายรูปให้เปลี่ยน ตันเต เป็น ตังโว)
ยาวะชีวัง อะกะระณียัง.
๓. อุปะสัมปันเนนะ ภิกขุนา สัญจิจจะ
ปาโณ ชีวิตา นะ โวโรเปตัพโพ,
อันตะมะโส กุนถะกิปิลลิกัง อุปาทายะ.
โย ภิกขุ สัญจิจจะ มะนุสสะวิคคะหัง
ชีวิตา โวโรเปติ,
อันตะมะโส คัพภปาตะนัง อุปาทายะ,
อัสสะมะโณ โหติ อะสักยะปุตติโย.
เสยยะถาปิ นามะปุถุสิลา ทวิธา ภินนา
อัปปะฏิสันธิกา โหติ,
เอวะเมวะ ภิกขุ สัญจิจจะ มะนุสสะวิคคะหัง
ชีวิตา โวโรเปตวา,
อัสสะมะโณ โหติ อะสักยะปุตติโย.
ตันเต (ถ้ามีหลายรูปให้เปลี่ยน ตันเต เป็น ตังโว)
ยาวะชีวัง อะกะระณียัง.
๔. อุปะสัมปันเนนะ ภิกขุนา อุตตะริมะนุสสะธัมโม
นะ อุลละปิตัพโพ อันตะมะโส สุญญาคาเร
อะภิระมามีติ.
โย ภิกขุ ปาปิจโฉ อิจฉาปะกะโต อะสันตัง
อะภูตัง อุตตะริมะนุสสะธัมมัง อุลละปะติ,
ฌานัง วา วิโมกขัง วา สะมาธิง วา
สะมาปัตติง วา มัคคัง วา ผะลัง วา,
อัสสะมะโณ โหติ อะสักยะปุตติโย.
เสยยะถาปิ นามะ ตาโล มัตถะกัจฉินโน
อาภัพโพ ปุนะ วิรุฬหิยา,
เอวะเมวะ ภิกขุ ปาปิจโฉ อิจฉาปะกะโต
อะสันตัง อะภูตัง อุตตะริมะนุสสะธัมมัง
อุลละปิตวา อัสสะมะโณ โหติ อะสักยะปุตติโย.
ตันเต (ถ้ามีหลายรูปให้เปลี่ยน ตันเต เป็น ตังโว)
ยาวะชีวัง อะกะระณียันติ.
อะเนกะปะริเยนะ โข ปะนะ เตนะ ภะคะวะตา
ชานะตา ปัสสะตา อะระหะตา สัมมาสัมพุทเธนะ,
สีลัง สัมมะทักขาตัง สะมาธิ สัมมะทักขาโต
ปัญญา สัมมะทักขาตา.
ยาวะเทวะ ตัสสะ มะทะนิมมะทะนัสสะ
ปิปาสะวินะยัสสะ อาละยะสะมุคฆาตัสสะ
วัฏฏปัจเฉทัสสะ ตัณหักขะยัสสะ วิราคัสสะ
นิโรธัสสะ นิพพานัสสะ สัจฉิกิริยายะ.
ตัตถะ สีละปะริภาวิโต สะมาธิ มะหัปผะโล
โหติ มะหานิสังโส,
สะมาธิปะริภาวิตา ปัญญา มะหัปผะลา
โหติ มะหานิสังสา,
ปัญญาปะริภาวิตัง จิตตัง สัมมะเทวะ
อาสะเวหิ วิมุจจะติ,
เสยยะถีทัง.
กามาสะวา ภะวาสะวา อะวิชชาสะวา.
ตัสมาติหะเต (ถ้ามีหลายรูปให้เปลี่ยน ตันเต เป็น ตังโว)
อิมัสมิง ตะถาคะตัปปะเวทิเต ธัมมะวินะเย,
สักกัจจัง อะธิสีละสิกขา สิกขิตัพพา,
อะธิจิตตะสิกขา สิกขิตัพพา,
อะธิปัญญาสิกขา สิกขิตัพพา.
ตัตถะ อัปปะมาเทนะ สัมปาเทนะตัพพัง.
